Le Poesie di Totò

Antonio Griffo Focas Flavio Angelo Ducas Comneno Porfirogenito Gagliardi De Curtis di Bisanzio, in arte Totò, nato a Napoli il 15 febbraio 1898 con il segno dell'Acquario in Terza Decade, e morto a Roma il 15 aprile del 1967 all'età di 69 anni, è stato un attore, comico, commediografo, paroliere, sceneggiatore e filantropo italiano.

Quello che molti non sanno di questo straordinario uomo, è che fu anche poeta.

In merito a questo, oggi, mi permetto di riportarvi alcune delle sue opere che maggiormente mi hanno colpito:

A cchiù bella

Tu si ‘a cchiù bella cosa

ca tene stu paese,

tu si comm’ a na rosa,

rosa… rosa maggese.

Sti ccarne profumate

me metteno int’ ‘o core

comme fosse l’essenza,

l’essenza ‘e chist’ammore.

A Franca

Ammore, ammore mio,

chist’uocchie tuoie songo ddoje feneste

aperte, spalancate ‘ncopp’ ‘o mare;

m’affaccio e veco tutte ‘e ccose care

‘nfunn’a stu mare, verde comme l’uocchie tuoie:

e veco ‘o bbene, ‘o sentimento, ammore,

e assaje cchiù’nfunno ancora

io veco chello ca tu he dato a mme… ‘o core.

Core analfabeta

Stu core analfabbeta

tu ll’he purtato a scola,

e s’è mparato a scrivere,

e s’è mparato a lleggere

sultanto na parola:

“Ammore” e niente cchiù.

L’acquaiola

Ogni matina scengo a Margellina,

me guardo ‘o mare, ‘e vvarche e na figliola

ca stà dint’a nu chiosco: è n’acquaiola.

Se chiamma Teresina,

si e no tene vint’anne,

capille curte nire nire e riccie,

na dentatura janca comm’ ‘a neve,

ncuollo tene ‘a salute ‘e na nutriccia

e na guardata d’uocchie

ca songo ddoje saette,

sò fulmine, sò lampe, songo tuone!

E i’ giuro e ce scummetto

ca si resuscitasse Pappagone,

muresse cu n’ ‘nfarto

guardanno sta guagliona.

Essa ha capito ca i’ sò nu cliente

ca ‘e ll’acqua nun me ne ‘mporta proprio niente

e me l’ha ditto cu bella maniera:

“Signò, cagnate strada… cu mme sta poco ‘a fà

se chiamma Geretiello… è piscatore.

Fatica dint’ ‘a paranza ‘e don Aniello”.

Ma i’ niente, tuosto corro ogni matína,

me vevo ll’acqua…

e me ‘mbriaco comme fosse vino.

Uocchie ca me parlate 

Chist’uocchie tuoie che cagneno

culore ogne mumento,

sò belle quanno chiagneno,

sò tutto sentimento.

Si rideno s’appicciano

comme a ddoie fiamme ardente,

songo stelle lucente

ca tiene ‘nfronte tu.